عارفة بأن الكلام أوقات
بيجى ظبط للقافيه
وعارفه بأنه جاى عافيه
ماهوش م القلب والله
مافيش فى القلب شىء ظاهر
مافيش بكى ودموع بين الكلمات
مافيش حكايات
كله كلام من الروايات
حياة دوارة مابتهداش
ف متقولش فى جنابى الشعر
أنا ولا شىء فى وسط الشعر والمغنى
انا المعنى
انا المعنى اللى متداري
ككسر كبير باين فى الروح
كما المجروح بينزف بس من جوا
ويضحك عادى فى الصورة
انا الضحكة اللى مكسورة
انا الطفلة اللى مخذوله
وانا الشيخة اللى فى العشرين
كما المساكين
وعايش كل عمرى حزين
بكايا معايا مافارقنيش ..
ف متقربش … ومتجربش!
وابعد عن كل حد حزين
عشان مكسور ماهوش ناقص
ولا حمل الفراق والهجر !
ولا حمل الوجع والقهر
مانيش آسف علي حزنك
مانيش غلطان لأنى نضجت!
وجودى معاك مجرد تسليه للوقت
وجودى كان سبب فخرك
لكنى نضجت ..!
نضجت بقلب نص سليم
وروح هاشه
انا قشه!
ميتعلقش الغريق بيها
عشان غِرقت بفعل الريح
انا اصلى يامه كنت جريح
فى حرب الحب !
وحرب القلب!
ف متقربش ! ومتجربش ..
وابعد عن كل حد حزين ..
أعجبني
تعليق
