ناديت عليه ياولد تعالي واسمعنى (،،،،)
بقلم د.الحسين أحمد الفار
—————————————————————–
ومشيت في دنيا الحياة و والرحلة تعبتني،، قلت استريح في السفر ،،تحت الشجر،، الغفوه أخديتني،، اصوات نصيحة شيخ كبير ومعاه ولد من نومي صحتني،،
:’:’:’:’:’:’:’::’:’:’:’::’::::::
# قال الولد لشيخ ابعد أوام سبني ،، حب السنين ضاع من ايدي وفارقني ،، وانت السبب في عذابي ضيعته ليه مني ،،
فين خبرتك وانت الكبير عني ،، قيدتني قال ايه؟! علشان أكون جمبك ،، واغرقت أنا في بحر الهوى ولا جتش فكتني ،، قلبي خلاص مات وانتهي اوعاك تاني تلومني ،، عقلي بقي خلاص استوي وعرفت مصلحتي ،،
كلامك السم اللي مطحون في العسل كلته ،،، وجبرني رب الزمن وشفاني من بعده ،،،، راجع تقولي كل ؟! من خبرتي طبخته،،،، آسف هقولهالك طريقي انا اخترته ،،،.
@نظرات عتاب للولد يا ابني أنت مش فاهم ،،، طريقك آخره الندم ومفيش علام ببلاش ،،،، اسمع يا واد مني احسن أوام تنداس ،،، اللي يريد مصلحته راح يعملك له مداس،،، جرب تبين ضعفك وشوف ردود الناس،،، يا بني الحياة مش سهله عايزه العيون في الراس ،،
# رد الولد غضبان،، طبعاً كلامك غلط وملوهش أي اساس ،،،، رب العباد يحمي ولسه فيه اخلاص ،،، وانا نفسي احاول واغلط وأشوف ردود الناس ،،،، سبني في طريقي يا شيخ بطل نصيحه خلاص،،
أنا شاكر يا شيخ فضلك ومقدر كمان خوفك ،،،، بس انا لازم اجازف وبكره راح شوفك ،،، احيلك اللي حصل،، والفخر في عيونك ،،.
@ سابه الشيخ مشي والحزن بيلاحقه،، معقول كلامك ده،، معقوله يا ولدي ،، أنا بس يا ابني نصحت والأجر من ربي ،،،،،
:’:’:’:’:’:’:’:’:’:’:’::::::::
& ناديت عليه يا ولد تعالي واسمعني ،،، الشيخ كلامه كبير موزن كده عجبني ،،،،لسه الحياة قدامك وبكره تتعلم،،،، وجع الحياة يابني صدقني بيسمم ،، ولو دواك اتعدم بجد راح تندم ،،،،،
وسبته ومشيت في الطريق بدعيلوه بهدايته،،،، باين عليه مسكين لسه الشباب سانده ،،،، والقلب أمره عجيب يا ما شفت في حكايته ،،، يا رب نسيه ووسع كمان رزقه ،،
يا ربي توكلت عليك،،،،.
