( لعنة كبيرة اسمها كورة )
كلمات الشاعر الفنان رزق جادو….
مصر .. دمياط
لعنة كبيرة اسمها كورة
لعبة بدعها ناس مسحورة
صبحت حاجة شبه ضرورة
الناس حبيتها في أجمل صورة
رفعت ناس كانت مغمورة
صبحوا نجوم وناس مشهورة
وناس ملهاش أبدا في الكورة
ناس بالفوز بتكون مسرورة
وناس خسرانة طبعا مقهورة
وناس تلعنها وناس مبهورة
وناس بتجادل شغل عبورة
وناس سياستها دخلت بالكورة
سبوبة كبيرة مية بماسورة
بتضخ فلوس جوه نافورة
والاعلام يعمل شبورة
وناس مظلومة اكيد معزورة
ناس بتحلل فاتحة جعورة
وناس بتخطط شغل مازورة
ناس بتهلل في المقصورة
لعنة كبيرة اسمها كورة
بدعة غريبة فيها خطورة
دخلت بينا من غير شورة
قلبت حالنا المسحورة
يارب احفظنا دنيا غرورة