قم للمعلم وَفِّـهِ التبجيـلا كـادَ المعلّمُ أن يكونَ رسولا
بقلم / محمد حامد عليوه………..
قم للمعلم وَفِّـهِ التبجيـلا كـادَ المعلّمُ أن يكونَ رسولا
أعلمتَ أشرفَ أو أجلَّ من الذييبني وينشئُ أنفـساً وعقولا ” أحمد شوقي”
المدرس بيفضل يتكلم و يعيد و يزيد و يعلي في صوته لحد ما يوصل آخر اليوم مش بيكون عنده طاقة يتكلم مع حد!
المدرس بيواجه كمية أسئلة و بيتحط في كمية مواقف غبية جدا ولازم يكون بيعرف يتعامل معاها…
المدرس ساعات بيكون مش قادر يقف على رجليه من كتر التعب إللي فيه و برغم ذلك بينزل يشتغل…
المدرس ممكن يكون تعبان وجاي على نفسه و بيشتغل و يلاقي طالب مش معاه أصلا أو طالب مش مركز أو بيتكلم تخيل أنت لو مكانه هتعمل ايه؟!
ماتفتكرش شغل المدرس شرح بس لا ده بعد ما بيخلص بيجهز لشغل تاني يوم أو بيعمل مذكراته أو امتحاناته أو بيدور لحضرتك ازاي يسهلك المعلومة…
المدرس بيجي على صحته من كتر الضغط إللي عليه بيبقى مش طايق كلمة من حد و بيجي على الناس القريبة ليه…
المدرس بينام يحلم بالمنهج و بالطلبة و بالامتحان…
المدرس نسي أصحابه و خروجاته وأهله و الإجازات و النوم…
آخر حاجة وأنت في ليلة الامتحان بتذاكر، المدرس بيبقى سهران من قلقه عليك…
ده وربنا حال المدرس الي بيتقي ربنا في عمله .
الشاعر / أحمد شوقي علي أحمد شوقي بك (16 أكتوبر 1868 – 14 أكتوبر 1932)، كاتب وشاعر مصري يعد من أعظم شعراء العربية في العصور الحديثة .
لقب بـ “أمير الشعراء”. نظم الشعر العربي في كل أغراضه من مديح ورثاء وغزل ووصف وحكمة .
وله في ذلك أيادٍ رائعة ترفعه إلى قمة الشعر العربي.
