صباح_مصري ….
الام الشريرة …..
بقلم د. سمير المصري
الست الشريرة من وجهة نظر المجتمع والست الشريرة فعلا من وجهة نظر أولادها و ٱخرين …
فعلا بتبقي شريرة ؟
شريرة ليه لأنها بتتعامل بطريقة مختلفة مع اولادها ..
شريرة …
دا معناه ٱنها بتربي ولادها كويس جدا … بعيد عن شوية الحنية والكلام اللي ممكن يضيع الولاد …
الأم لازم تبقي ميزان البيت …
لازم تبقي شريرة بقواعد ….
وعيالها أمانة في ايدها بعيدا عن الدلع وتلبية كل رغبات وولادها …
طيب مين هي الأم الشريرة … مين هي الام الشريرة من وجهة نظر العلماء الاجتماعيين …..
ومن وجهة نظر اولادها ؟؟!!
لازم الأم تحتفظ بحبها لنفسها …. يعني مش بتفني نفسها وصحتها وعمرها
وتضحي باسرتها في سبيل راحة اولادها لا طبعا بالعكس لازم تعتني بجمالها تعتني بصحتها
تعتني بكل حاجة تخصها و ده هايخللي اولادها بطريقة غير مباشرة يتعلموا يحبوا نفسهم و يهتموا بيها …
ده أمر منطقي يا أمهات ..
كفاية تضحوا باسرتكم بالكامل بطريقة غبية وغير منطقية ..
ليس هكذا تربي أولادك …. لأنك سوف تندمين … كوني أم شريرة كي تكون اسرتك في امان … وبلاش دور البطولة
خليكي ام شريرة مش بتخاف أبدا تقول لأولادها كلمة ( لأ )
ولازم تحط قواعد .. و بتحط قواعد و قوانين ولوائح … شرط و لايمكنها ان تتنازل عنها ولا بتستسهل و تشتري دماغها .
لأنها كدة هتساعدهم في تطوير شخصيتهم و تعطيهم دروس يومية ليس في الحياة فقط
ولكن في الأخلاق و الإختيارات.
كوني أم شريرة من أجل أسرتك وبيتك …
بس ياريت كلمة ( لأ ) ما تكونش مصحوبة بصراخ وصوت عالي علشان ماتبقاش أم شريرة ….
بحق و حقيقي
اوعي تكوني ام شريرة ماشية مع القطيع… فلا تتبعي القطيع ….
مش بتقلدي حد و مش بترضي حدو، ولا عايزة تثبت لحد إنها أم كويسة و ناجحة وتمام التمام ….
انتي مفروض تربي ولادك ..
انتي أم فقط بتربي ولادها بالطريقة اللي تفيدهم و اللي هي مقتنعة بيها
خليكي ام شريرة مش بتَحمِّل نفسها فوق طاقتها…و مش دايما انتي حاسة بالذنب و التقصير تجاه بيتها و أولادها ….
ماحصل حاجة لما رفضتي طلب لبنتك أو سيبتيها يبكي شوية …
دا مش فشل …حتى لو فشلتي في حاجة …. الأيام و الإنجازات و النجاحات قدامك مفتوحة …. هي مش نهاية العالم
خليكي ست شريرة بتقدر تسيطر على بيتها …..و تعمل مواعيد للنوم و الأكل و المذاكرة و اللعب و الترفيه …
لإنهاء العيال اللي بينشأوا في بيئة منظمة و مع أهل مسيطرين على الأمور بيتمتعوا بالإستقلالية و الثقة بالنفس و القدرة على الإعتماد على الذات .
تبقي أم شريرة يعني بتربي عيال يملكوا الدنيا و لا تملكهم ….
و ما تغدقش عليهم بالهدايا و المال و الدلال و تديهم مجال يعتمدوا على أنفسهم …
و قدامنا نماذج حية كتير لأولاد شقوا طريقهم بنفسهم و وصلوا لأعلى المراتب
حين ان الأبناء اللي الأهالي موفرالهم كل حاجة ممكن ما يقدروش يواصلوا حياتهم بدون مساعدة الأهل.
و أخيرا … خليكي الأم الشريرة
اللي تقدر تعمل كل القواعد اللي فوق دي بهدوء و حزم …
و تعرف كويس أوي ايه هو غرضها من القسوة دي و اللي في الأول و الٱخر بيكون لمصلحة أولادها طبعا …
وبيتها واسرتها….
اللهم بلغت …. اللهم فاشهد …..
د سمير المصري
