سعيد الشربينى
– كالعادة : المواطن بدفع ثمن عيوب التقنية
مافى مرة تقوم الحكومة فيها بأى عمل تكنولوجى الا وتقع قى أخطاء جسيمة ودا بيرجع الى افكارها واستراتيجيتها القائمة على فكرة ( قئران التجارب ) فمن قبل يسقط السستم اثناء الامتحانات كما سقط فى وزارة التموين واليوم عيب تقنية وزارة التضامن الاجتماعى اللى سقط لمجرد أن أصحاب المعاشات تعاملوا مع موقع الوزارة لمجرد معرفة مربوط المعاش الجديد . وكالعادة يخرج الوزير أو الوزيرة علشان يقول لنا كلمتين يلين بيهم الخطأ – نأسف أصل دا عيب سستم أو عيب تقنية نتيجة الضغط من المواطنين – !؟
– طيب حضرتك أو حضرتك أو حضرة الحكومة هو أنتم مش كنتم عاملين حسابكم أن المواطنين هيدخلوا الموقع للأستفسار عن حقوقهم ؟ ولا أنتم كنتم عاملين الموضوع دا بلاموطى ومن غير دراسة ؟
طيب هو المطلوب من المواطن أنه مش يدخل على المواقع دى ويتفرج عليها من بعيد زى فكرة التعليم عن بعد و البعد الاجتماعى ؟
طيب مفيش مرة نعمل حساب اى شئ حتى من باب الترصد والتوثع والدراسة بدل كل مرة عند أى عمل غير مدروس نعلق اخطائنا على التقنية والا وعى الشعبى ؟
طيب مفيش حد أبن حلال فى الحكومة يملك فكر واعى مدروس قبل ما نقوم بأى تجربة ويكون ضحيتها المواطن ؟
بصراحة من آمن العقاب أساء الآدب – ومازال مسلسل فئران التجارب مستمر
………………………………..
26 / 6 ، 2020
