شعر / تيسير حافظ ياسين
خليك فى الضلمه نور خليك نسر وجثور
خليك نهر وبحور تنشر امان وسلام
خليك كلمه امان خليك لحظه سلام
البحر يبقى فاضى وتقول عليه مليان
وده مش كدب دا عشان انتي انسان
خليك شعاع مضيء يفرق وسط الطريق
خليك دواء وشفاء تنقذ من كل داء
خليك عمار بيوت وانطق من غير سكوت
أخلع لبس ألقنوط وامشي بعزه وفخار
فى ألحق تكون شرار يحرق زيف الخداع
خليك حب ووداع ارحل من غير الاام
دا الزيف فى الدنيا ياما ومعشش فى النفوس
ومسيطره الفلوس اركض للمستحيل
وأرفض تكون بديل خليك في الصف الأول
واتنحي عن الأخير خليك شهم وشجاع
ازأر مثل السباع فى الحق تكون شعاع
ينور الطريق وينقذ الغريق
علشان تكون انسان
