نجاة شاكر
كان يجلس معهم ولكن تفكيره منشغل بها ، لدرجة أنه لا يسمع ما يقولونه.
استئذان الجميع و والد ندى ووالد أحمد مبسوطين جدا و كلا منهم على أمل كبير بأن يحدث صلة تربط العائلتين ببعضهم .
على عكس أحمد الذى كان متوترا جدا من أن يكون الرفض منها .
وبالفعل ندى حسمت أمرها بالرفض بالرغم من وجود شىء ما بداخلها يريد الموافقة.
منى :ايه يا بنتى من بدرى باتصل عليكى مش بتردى ليه ، شكل العريس عامل شغل جامد وهتوافقى صح.
ندى روت لها ما حدث بينهما.
منى : والله حرام عليكى ايه ردودك الدبش دى، طيب والله صعب عليا يا عينى.
ندى : منى ما تستفذنيش وبعدين ما يصعبش عليكى غالى يا ستى.
منى: طيب ممكن اعرف ايه سبب الرفض بقاا .
ندى : يا بنتى أنا مش هاتجوز بالطريقة دى .
منى: إمال عاوزة أنهى طريقة تتجوزى بيها إن شاء الله.
ندى : يا ستى أنا مش باحب جو الصالونات والجو ده.
منى : ندى ما تردديش كلام وخلاص ، ما هو مش تقليد أعمى .
ندى: ايه تقليد أعمى دى ، الحكاية مش كده خالص ، أنا عاوزة أحب وأتحب وتبقى love story .
منى : ندى ممكن تسمعينى شوية ، بس من غير ما تقطعينى لو سمحتى.
ندى : مادام واصلنا ل لو سمحتى يبقى قولى.
منى : بصى يا ستى دلوقتي فى زمنا ده كله بيقولك لأ إحنا عاوزين نتجوز عن حب ومش هانتجوز جواز صالونات من غير ما يفكروا أساسا ، يعنى مثلا دلوقتي لو حد أعجب بيكى و جاب رقمك وحاول يكلمك فون أو واتس أو حتى على الأكونت بتاعك ، ممكن كلامه يشدك جامد وتتكلمى معاه وتحبيه بجد ويأما هيطلع بيتسلى يإما هيطلع بيحبك بجد ويجى يتقدملك ، بس هو كده بردو بنى أدم مش محترم علشان ما دخلش البيت من بابه ، وانت تبقى غلطانة علشان حبيتى من ورا أهلك وشيلتى ذنوب ، أما بقااا فى حالة إن حد هيحبك بجد وهيخاف عليكى من ربنا أولا و عاوزك حلاله و جه يتقدملك ودخل البيت من بابه ، فده بجد اللى يستاهلك لأنه بنى آدم محترم وهيراعى ربنا فيكى ، وبعدين ما هو قالك إنه عارفك من زمان ومعجب بيكى بس ده بقااا استنى القاعدة الشرعية اللى يتكلم معاكى فيها بمعرفة أهلك ، ومعنى كل كلمة قالهالك إنه بيحبك بجد أه صحيح ما قالهاش صريحة دلوقتي بس ده علشان انتوا لسه حتى ما اتقريش فتحتحوا ، وبعدين فترة الخطوبة معمولة علشان تتعرفوا على بعض وتحبوا بعض ، ولو ده محصلش فببيبقاش فى نصيب ،يعنى فى كلا الحالتين جواز عن حب ومحدش بيغصبك على حاجة ، بس ده بمعصية ، وده لأ
