سعيد الشربينى يكتب
دقة شاكوش
سؤال للنقاش : هل عجزت قيادات الشرقية ونوابها فى القضاء على ظاهرة التوك توك وما تسببه من مشكلات عدة سواء تلوث سمعى او اتلاف للمال العام لمطبات الشوكة ؟
اليس هناك على الاقل فكر يجول برأس أحدهم لخلق ضوابط فاعلة تضمن الحفاظ على حق المواطن وصون المال العام ؟
اين دور المحافظة والمعنين بهذا الامر فى الرقابة والمتابعة الميدانية للحفاظ على حق المواطن واحترام حريته؟
لاكثر من مرة نوجه مسئولى المحافظة الى مشكلات عدة وتأتى الردود فى ايطار التسويف السنا ممن عبرو تلك المرحلة بعدما صرح بذلك مجلس الوزراء ولا نمشى المثل القائل : كلام الليل مدهون بزبدة ؟
الحديقة التى مازالت تحت الانشاء بل فى مراحلها الاخيرة بقسم الاشارة فعلا عمل رائع بس يا ترى وضعنا فى حساباتنا كيفية الحفاظ عليها ؟ ولا من دلوقتى نعمل حسبنا على انها موقف لمكروباص كفر الحمام والشبنات ولا مقلب للزبالة على جانبيها ولا مستقر للباعة الجائلين مش بيقولوا : اللى أ هم من اتخاذ القرار متابعة القرار ولا دا كلام على ورق وبلاش منه؟
مشكلة الطائرات الورق اللى تقريبا اتلفت اغلب سلوك الكهرباء واعمدة الانارة بالشوارع والطرقات ولم تحرك ذهن أ حد وكأن المشكلة بيتم مشاهدتها فديوا خوفا من الاصابة بكورنا ؟
واحد بيسألنى : أنت لسه هتكلم كمان عن باقى المشاكل اللى فى المحافظة واللى كلهم شيفينها ومطنشين يبقى انشاء الله مش هنخلص خليها فى دقة تانية
على موعد : تحياتى
