بالحج تممها علينا
بقلمي محمد عنانى
يارب لرحابك جينا
بركوعنا وسجود صلينا
ورفعنا يارب إيدينا
ومن قلوبنا ودعينا
ترضا علينا وترضينا
بالحج تممها علينا
والكعبه تلمسها إيدينا
ونزور حبيبنا ونبينا
دا حلم ياما اتمنينا
ويبقا حُسن ختام لينا
وتوبه من ذنب جنينا
بحاضرنا ولا بماضينا
والآخره فيها تنجينا
وكتابنا بيمين تدينا
والعفو منك يكفينا
والجنه فيها تأوينا
يارب لرحابك جينا
