انتِ إيه !!
الأديب /خالد الجمال …..
من ديوان انا الدموع
عيشي لحظة من عذابي
حسي بية
ليل غيابك من غيابي
كان قاسية
وإنشغالك وإنشغالي
بان علية
إنتِ إيه وأنا إيه
حب مش قادرين عليه
بعد ما عشتي العذاب
جاية تترجي العتاب
دا الغرام اللي ف عيونك
كل ما يكبر يخون
شفت حالك بعد حالي
شفته ف دمع العيون
إيه جرالك إيه جرالي
إنتِ إيه وأنا إيه
حب مش قادرين عليه
ليه بنينا الحب بينا
واحنا مش قد القلوب
ليه رسمنا الدنيا جنة
فيها كل الشوق يدوب
واللي صابنا من عملنا
لحظة من العمر الغروب
إنتِ إيه وأنا إيه
حب مش قادرين على
السنين حيرانا بينا
وإحنا مش قد السنين
ننحني ونقول قدرنا
إيه جرالنا
بقينا ظلمة مش مظلومين
إنتِ إيه وأنا إيه
حب مش قادرين عليه 
