الظهر اذن

الظهر اذن

بقلم محمد السنهوري

الظهر إذن في الحسين
الله اكبر
وصل الكنال للصايمين
والكل كبر
صبر السنين في الحلق
طعمه مر
لكن ورب الخلق
مش ح يمر
…..
اليوم ده يومنا
وكلنا إصرار
ما تمر لحظة
غير معاها نهار
…
افرد جناحك يابطل ما تخاف
الفرحة بدأت بعد ستة عجاف
الجنة هالة من سهول حطين
والنصر وعدك ياصلاح الدين
…..
عدي الكنال دي كباري ممدودة
جناحات ملايكة ولينا مفرودة
الصعب تحت القدم
بالعزم تلقاه لان
والحر لو بالعدم
يكتب تاريخ انسان
….
عدي الكنال وخدنا للضفة
شهدا وطالعة للسما بزفة
الفرحة مش وسطنا
الفرحة في الملكوت
مين اللي قال مننا
لو كان شهيد بيموت
…..
طريقنا واحد صحيح
لكنه ليه فرعين
إما الشهادة وحياة
يااما نصر مبين
…..
وعشان كده صابرين
دي الفرحة في الحالتين
.. .
ملايين وراكم بالدعاء والصوم
ياخير اجناد الآله في الارض
وادان بينده حي علي القيوم
صونوا التراب واحفظولنا العرض
والظهر اذن
…محمد السنهوري
عضو اتحاد كتاب مصر