الصين تعلن عن فيروس جديد يقضى على 75 فى المائة من المصابين
كتبت /ليلى شتا
فى إطارالمسئوليه ودور الصحافة فى نشر الوعى من خلال المسئولية المجتمعية لكل أفراد المجتمع وقادة الرأى لابد أن تتضافر جهود نشر الوعى بين المواطنين
ونحاول توصيل الرسالة لكيفية التغلب على أى فيروس سواء فيروس جديد أو فيروس كورونا من دلوقتى كل واحد مسئول عن نفسه وأولاده وأهله هنبدأ بإستنشاق بخار الماء الساخن حتى لايصل أى فيرس للرئة والمشروبات الساخنة مهمه مع النظافة وتطهير المنزل والشارع لو كل أسرة أشترت لتر كلور وقامت بتطهير البيت والشارع وجميع الأغراض داخل البيت لتر مياه عليه ٣سم كلور و فى بخاخة و رشى الأسطح والبلاط أو أى حاجة تشتريها.
وأعملى من الكلور دا بخاخه ،،لرش الأسانسير وباب العماره ، باب العربيه..وأكر الباب والحنفيات
ثانيا..زجاجة كحول فى شنطة ايدك لتطهير اليد تسخين العيش والفينو حطيهم فى الميكرويف شوية قبل الإستخدام. أو سخنيهم عادى غسيل الفاكهه والخضار بمياه جاريه ومياه سخنه مع منظف الفاكهة والخضروات أوبالخل
ثالثاً.. نبتعدعن السلام بالأيد والتقبيل والأحضان
رابعاً.. غسيل الأيد كل ساعة وأنت فى اى مكانك اوتعقيمها بالكحل
خد فوطة معاك مبلولة مياه بكلور وأول ما تروح الشغل أمسح مكتبك وأى أدوات وأكرالباب لو أنت اللى بتمسكها أو تفتحها
غسيل الأيدى هتفتح الحنفيه بمنديل وترميه تغسل الأيدى بالصابون لمدة عشرين ثانية وتنشف إيدك وتقفل الحنفيه بمنديل مش بإيدك وترميه
خامسا.. أول ما ترجع بيتك الجزمة برا البيت تدخل ع الحمام تغسل إيدك بنفس الطريقة المذكورة
تمسح بفوطة بكلور موبايلك نضارتك مفاتيحك اوكرة باب الشقه أي مفتاح نور لمسته وأنت داخل لو لابس ساعه خواتم كله هيتمسح حتى المحفظة والأهم الموبايل ويفضل لو تاخد دش
أي طلبات بنشتريها بتتمسح لو مغلفه بفوطة بمياه وكلور
الخضار والفاكهة غسيلهم بمياه الحنفيه كويس كافى جدا
أكل مطاعم أو من الشارع لوساخن وطالع من النار مافيش مشكله نبتعد عن الصلطات من برا
الفراخ السمك الغسيل كافى بمياه وخل
قاعدة ثابتة طول ما أنت برا البيت إيدك متلمسش وشك أبدا إلا إذا كانت مغسولة كويس جداً قبلها
لو قدرت تشتري كحول ٧٠ فى المية أو جل مطهر تستخدمه في حالة عدم توفر مياه فى المكان لكن الصابون كافى جدا
رغم إن الناس واخدة الموضوع بهزار بس بكل أمانة ده اللى بيعملوه في كل الدول اللى ظهرت فيها الإصابة النظافة هى الحل
سادسا.. حاول تعلى المناعة بأكل طبق سلطة وخضار. فاكهة بشكل يومى وشرب مياه كتير وتحاول تتعرض للشمس
ياريت نعرف ان المعركة معركة وعي يعنى
لو كل واحد نشر المعلومات دى وعلم اللى حواليه هنقلل انتشار الفيروس
إنك تعرف لوحدك دا مش هينقذك لازم تعلم اكبر عدد ممكن ولو الكل التزم بالإحتياطات نقدر بإذن الله وحده نسيطر على انتشار الفيرس وربنا يدفع عنا البلاء والوباء اللهم آمين يارب العالمين
