الشمتان ابو قلب جبان

الشمتان ابو قلب جبان

كلمات الشاعر اللواء محمد هيكل شوفتوا

الشمتان أبو قلب جبان
أبو عين مستنية وقوعك وقت الأحزان
أبو ضحكة تجلجل ف دموعك وبسرعة تبان
كان كله سواد بس مخبي
كان شايل منك و معبي
أهو ده اللي محال وحياة ربي يتقال إنسان

شوفتوا الكداب أبو سيرة عذاب
عمال بيلف عليك و يدور و بدون أسباب
بيقول ع الضلمة دي أجدع نور والارض سحاب
يسقيك الكدب ب أحلا كلام
و يبيعلك دنيا من الأوهام
فا اخسره من فضلك ياللاه قوام واقفل 100باب

شوفتوا الحَسَّاد تنفات له بلاد
تلاقيه من فرحك و نجاحك على طول منكاد
بيدب عنيه جوه حياتك يقلبهـا سواد
بصته مش خالصة و كهينه
مستكتر ضحكتنا علينا
لو رشقت عينه في مدينه يقلبهـا رمـاد

شوفتوا الغدار أبو عشرة مرار
بالغدر عيونه بيتحنـوا ليـل ويا نهــار
بيبيـع بسهوله قوي

كأنه شيخ التجـار
دا مريض من جوه قوي وسادي
بيخون وضميره جميل عادي
و بيوجع ف الناس ع الهادي و بدون أعذار

شوفتوا المخدوع ف عيونه دموع
من ناس وحياة ربي ماتسوى شبشب مقطوع
من خلق إن بعدوا عن الأسوه تحزن و تجوع
حواليه كام دسته من الأشرار
شمتان كداب حَسَّـاد غدار
فا لابد عليه ينقي و يختار ليمــوت موجـوع

كلمات الشاعر اللواء محمد هيكل