بقلم / شيرين أحمد
كتير منكم لاموني
وقالوا أكيد هتفشلي في حياتك
وأي أصلاً هواياتك
مالكيش مستقبل مافيش أحلام
بس أنا حلمي
اسكتي مش عايزين كلام
الفاشل مالهوش بنا مكان
بس أنا ناجح
ناجح فين كل حياتك فين وازاي
بس العلم محتاج سؤال
قولنالك أسكت مش عايزين كلام
حاضر هسكت ومش هتكلم
قولت لنفسي هتفضل ساكت
معقول كلامهم هيكون كاسر
لا اصحي وفوق
واثبت ليهم إن لحلمك معني وقيمة
وفضلت أيام وكمان شهور
وبعدها اتحققت الأحلام
روحت أقول أهو حلمي اللي كان
بقي واقع مش مجرد أحلام
ضحكوا وقالوا أكيد أكيد
كل كلامنا كان تحفيز عشان تحقق أحلامك
بصيت للحظة وماتكلمتش
وقولت حقيقي كلامكم مفيد
خلاني أصمم وأعيد وأزيد
عشان أكون في مكاني أكيد
مهما كنتم الحُطام بس أنا كنت كاسر لكل الكلام
وبعد طلبكم بالسكوت
سكت ولكن كان فعلي له صوت
ودلوقتي بقولها بثبات ومش هينخفضلي صوت
أنا حققت أنا ناجحت وكل كلامك بقا ملهوش وجود
