سحر ابوالعلا
ازاي قوليلي مكملة
و كل ده متحملة
ازاي كدة قادرة تخبي
و الدموع بتخون عنيك
و نازلة تجري
و ان حد لمحها و يسألك
تنكري انك بتبكي
لسة جواك أماني
شايلة لسة كتير معاني
يالّي فيك حاجة مش
من الزمن ده
حاجة فيها ريحة
زمن حلو عدا
يالّي جوة ملامحك
حاجة من الملايكة
فيك طيبة بقت
فى زمانا عملة نادرة
كل من قابلك يحبك
يالّي حبك حاجة
خارجة عن الإرادة
حبك شيء واجب
زي العبادة.
#السلطانة
