يالليقاعدة تقرئي كلامي ممكن تتخيلي انك المقصودة بكلامي لك كل حبي وغرامي بفكر فيك ليلي ونهاري انت اللي ساكنة قلبي انت اللي شاغلة بالي ارجوك كملي كلامي ليه مش مصدقة ليه مستغربة أيوة انا واعي لكل حرف من كلامي ليه بتبصي يمينك وشمالك ايه اللي غير حالك مش كان عاجبك كلامي يا ما كتبت تعليقات جميلة كلماتك تسلم ايدك مش يا ما قولتي اني بعرف ارسم بالكلمات بعرف اعبر. عن كل الحاجات مالك ساكنة لكلامي مش مستوعبة كنت فاكرة اني بكتب كلامي لفلانة كل اللي تعرفيهم خطروا علي بالك ليه دايما كنت مستبعدة نفسك ولا في يوم فكرتي اني بحبك بتكتبي. وتعلقي بجد يا بختها بحبك صدقني انا بحسدها علي مشاعرك معقولة لسه في كدة حب كنت ارد الحب ده نعمة من نعم الرب الحب ده ضياء الدرب بالحب يكون الإنسان انسان الحب هو الرحمة والحنان بالحب نعيش الامان فاهمة كلامي ليه مش مصداقني علي فكرة انا حاسس بكل اللي جواك شايف كل الاسئلة الدايرة في راسك ازاي انا ما اخدش بالي بس هو كان بيتعامل معايا عادي ردوده عادية علي تعليقاتي ليه من الكل اخترني عقلي هيشت مني يارب صبرني بذمتك مش دي بعض الاسئلة الدايرة في راسك شايفك بستترجعي شريط ذكرياتك بتحاولي تفتكري اول مرة تقرئي كلامي يتفكتري ايه كانت كلمات تعليقاتي انا متأكدة إن التعليقات الكل واحدة مفيش جملة ناقصة أو زايدة بصراحة انا عمري ما كنت اتخيل إنك كنت تقصدني وازيدك من الشعر بيت ولا مرة مريت علي خيالي كنت بقرأ كلامك عادي مش هنكر أنه في بعض الحاجات بتنال اعجابي لكن عمري ما فكرت لحظة اني اكون انا المقصودة بكل بساطة لاني لا اعرفك ولا تعرفني مجرد إنسانة بتعلق من بين ناس كتير انا زي. زي الغير لا لا. انا مش مصدقة كلامك ارجوك كلمة الحق قول لي بجد انا المقصودة ازاي. وامتي احناعمرنا ما كان بنا كلام مجرد تعليق والسلام بالذمة في حد يصدق هذا الكلام ايه في كلامي مش مفهوم بقولك انت المقصودة بكل كلامي أيوة انت ليه فكرتي في كل اللي حواليك عمرك ما فكرتي في نفسك أيوة انا بحبك مش هفضل أزيد واعيد انت أيوة المقصودة في نهاية كلامي ممكن بعد اعترافي من جديد ترجعي تقرئي كل كلامي يمكن تلاقي الإجابة بين سطوري يمكن تلاقي الف مبرر لخوفي اخيرا. خرجت عن صمتي راضي بأي قرار لي أو ضدي المهم. اني عبرت عن نفسي أعلنت عن حبي
