أصغر شهيد
بقلم عبد الفتاح مصطفي والي
ياناس أنا لسه وليد
دا أنا لسه مغمض
وعيني مشفتش اليوم الجديد
حضنوني ولسه ممسكتش بإيد
أمي وأبويا يوم ميلادي
مكانوش في عيد
أذنوا في وداني وأقاموا
وكان الآذان بحزن شديد
أمي قالت ودموعها تسيل
دا ممسكش حجر او حديد
من حضن أمي خدوني بعيد
وأبويا بصوت عالي عنيد
أقسم يجيب حق إبنه الشهيد
رفع إيده وقال …شهيدنا سعيد
لقي معاه …مليون إيد وإيد
بدل الكفوله …جابولي كفن
وسلمني ابويا لتراب الوطن
سمعت صوته بيقول في العلن
أنا عارف إبني في جنة عدن
إحنا لازم نعدي المحن
لازم نقاوم وننسي الوهن
صاحوا بتكبيرة تهز البدن
