بقلم /نجاة شاكر
قالك بحبك كام مرة
على كام بوكيه من بره
جملة قالها ل100 قبليكى
ويا عالم مين اللى بعديكى
قالك إنه ما شافش قبليكى
وكل اللى شافهم ما يتساوش ببكى
قالك إنك جوهرته
وإنه بيحلم بالبيت اللى هيجمعوا بيكى
كان كل غلطك إنك صدقتى
إنك حياته وأم عياله
وإنك الحلم اللى بقياله
حكالك عن كل نزواته وذكرياته
عن عن كل بنت قبليكى
ضغطتى على قلبك وسمعتى
بحكم إنه ندمان على كل اللى قبليكى
ونسيتى كل الكلام
وعيشتى حياتك معاه بكل احترام
بمجرد إنه قالك إنه ندمان
وشوفتيه شخص غلبان
وعاش معاكى أجمل أيام
وقولتى بأعلى صوتك ده اختيارى
اهو عارفه اللى حكالك عنهم
أهو دلوقتى إنت منهم
ضمن ليسته يحكى بيها لأى حد
ما صدقتيش إن فى بعديكى
وإنك كنتى فترة زى اللى قبليكى
كان كل غلطك إنك صدقتى
وإديتى قلبك لأول شخص قالك بحبك
نفسى بس تفهموا إن اللى مش هيراعى ربنا فى حياته
مش هايبقى أمين على مستقبلك
كان كل غلطك إنك سمعتى كل اللى قاله
و أوعى تنسى إنه أختيارك
وإنه قرارك.
أختاروا من يصون قلوبكم ويرعاها
إختاروا من يتقى الله فى كل أمور حياته ، فهو فقط من يكون أمينا عليكى.
Nagat El samak
