كلمات الشاعر رزق جادو
مصر .. دمياط
.. اقوي قصيدة ..
…سد أثيوبيا..وفشل الحوار…
مافيش تفاهم مافيش حوار
أثيوبيا ناوية تولعها نار
عايزة مشاكل وكمان نقار
نقول يمين تقول يسار
بتلعب معانا لعب الصغار
ومصر دايما أم الكبار
الوضع صعب هيجيب دمار
مصر زهقت والدم فار
لازم بسرعة ناخد قرار
الحرب أحسن م الإنكسار
ولو سكتنا هيبقي عار
ونعيش حياة ذل ومرار
الوضع جد ماهوش هزار
مفروض علينا مافيش خيار
إضرب عدوك بكل إقتدار
قبل ما يعمل علينا إنحصار
وتبقي النهاية ويشد الستار
ونقول ياريتنا هدمنا الجدار
شعب مصر بيغلي نار
مصر بلدنا بلد أحرار
مش بالسهل أنها تنهار
ولايتحكم فيها أشرار
لازم بسرعة ناخد قرار
الحرب جاية مافيش فرار
لامجلس أمن ولادول جوار
أصل اللي إيده فى المية
مش زي اللي إيده فى النار
كلمات الشاعر رزق جادو
مصر .. دمياط
