وبتصعب علىّ نفسى
سمر_إسماعيل
_ جديد _
وبتصعب علىّ نفسى
لما الكل يشوفنى
ف بعدك عنى ملاك !!
حاسين طيبتى ..
وأنى مش غبية ..
شايفين فيا بنت الأصول ..
اللى ع القناعة والرضا متربية ..
شايفين حقيقتى الكاملة !!
وكأننا عشرة !!
شايفين الخجل والرقة ..
شايفين ورداتك دى ..
اللى أنت زارعها ..
وسايبها تدبل .. عطشانة !!
رغم كل الكرامة والكبرياء ..
شايفين الذل والإهانة !!
شايفين الضعف ..
ع اد م بحاول ابين قوة !!
برغم كل الخذلان والخيبة ..
لامحين العزة ..
لامحين الهيبة ..
شايفين الشوق واللهفة ..
برغم التقل اللى مغلل !!
أيدى و قلبى .. ودمى !!
شايفين جوايا الخفة !!
وحاجات صادقة بتلمع ..
وسط خضم مشاعرى المضطربة !!
شايفين الهرم والنيل ..
شايفين الهضبة ونجم الجيل ..
شايفين نضالى وكفاحى الطويل ..
فاهمين الحدوتة ..
يمكن أكتر منى !!
كونى مقتولة بيك ..
برقص و بغنى !!
كونى عايشة فيك ..
بمزاجى أو غصب عنى ..
بيوصلوا لعنيا حبال الرجاء !!
ويأيدوا ف قلبى شموع التمنى !!
رغم أنى بعيدة عنهم !!
بينى وبينهم وديان وبحور !!
وما فيش ما بينى وبينهم نور !!
سايبنى وحيدة ف أوضتك الضلمة ..
برغم كل الضحكات اللى بحاول ..
ليل ونهار أرسمها ..
شايفين خزان الاحزان !!
وأنت الوحيد اللى ف قلبى ..
كنت ف عيونه شيطان !!
لا سيبت لورودك اغصان ..
تحميها ولا كنت ف نظرك ..
شئ يتصان !!
أسأت الظن بنبل برآتى ..
ورضيت تستنفز طاقتى ..
بعتنى .. وأنا عمرى ..
ما اشتريت غيرك !!
كتر ألف خيرك ..
متشيلش همى ..
برغم أنك مش فاكرنى !!
هفضل أضحك !!
برغم أن عمرك ما أذيت ..
حد غيرى !!
ربنا يسامحك ..
شكرا على الدور ..
اللى أدتهونى ف روايتك !!
برغم أنك مصدقتش ..
صدقى معاك .. بس أنا صدقتك !!
شكرا على قهرى وعلى غلبك !!
ع هجرى لجنة غيرك ..
وعشقى لنارى ف قربك ..
أنا أسفة كنت بضيع وقتك !!
#سمر_إسماعيل
#عشق_لا_ينتهى
