قلب…مليان بالوجع

 حامد خلاف خلاف
مكتب القاهرة
يا قلبي يا مليان
بالوجع
أستكفيت أنا
أحزان ودموع
وخدعني
كل جبان وبيقولو
عليه كان جدع
دا إللى راح مش
ناوي الرجوع
وخانوني زي
ماقال الودع
وكل يوم بتقابل
وشوش
مرشوش عليها
صفار
وبتكون كمان
محتار
تبدأ من أى لون
لكن
لكل إللي بيخون
يبقي على جبينه
مرسوم فيه
كل…… البدع
ياواد
يا أبو قلب أبيص
خليك
ماشي الطريق
ومهما تكون وحدك
عمرك ما هتبقى
أنت الغريق
بسمار… لونك
المعجون فى تراب
الدفا
علمهم أد إيه
معني الوفا
إللي بيبقي سيف
على رقاب
المخلصين
مش الكل عامل
زى زعازيع مُره
إللي بتميل
من حبة هوا
فى عصاري الشتا
ويوم اللقا باين
وإللي جي واضح
بعيوني
زى لون السما
يا قلوب قريبة
أنا كنت أنا العاشق
لخضار… دنيتي
وكنت حاسس
معاكم بالصفا
ويا سكتي
ليه خطاويكي
بقت زى سراب
بيعشش ضلوعي
وضيع مني كل المني
لكن بقلب راجع
وع العهد ياما
سامع دعاكي
بيرن فى عروقي
بيصحى فيا ضميري
ويطبطب زى زمان
وتطيب جروحي
م الوجع
وأنا وطريقي
هنساوى فى النهايه
حاصل ضرب
الأصالة فى الشهامه
وإللى إنكسر
ملوش…… مرتجع