الإعلامي خالد سالم يكتب .. ” المعاش ان عاش “
متابعة -محمود الهندي
صاحبك طلع معاش
الشيخ المؤدب
دخل مرحلة الانعاش
الشيك والمرتب
والعمر ولى وراح بلاش
الجسم كركب
والصحة ما تتسماش
والعمر سراب
والخبرة ما تلزمناش
المعاش اتكهرب
والعلاوة صابها انكماش
ما في مهرب
والمكنة بطلت قماش
الزمن تسرسب
والصوابع صابها الرعاش
كنت عم الشباب
اصبحت ارباب معاش
والدفتر والحساب
والرصيد راح ماجاش
السرير مكسر والدولاب
حوش يا حواش
الكفتة والكباب
دلوقت اكل مسلوق
وكمان خواف
الأحلام بقت سراب
والصيام مستمر
من غير خشاف
واقف عند الباب
ألاقي كشوف حساب
الرحمة حلوة
فين الاهل
لا صديق ولا أحباب
الدوا غالي والنظر كداب
ادور على الأكل
ألاقيه في الدولاب
والهدوم نسيها عند البواب
والمعدة صابها التهاب
وما حد يسال
أتاري التليفون كداب
محتاج رعاية
واهتمام
مش بقدر انام
انا بشر
من الأنام
قدمت كل عمري
والنهاية قربت
عايز أعيش بكرامة
وعزة مش مجرد كلام
