بقلم : رنا العربي
رواية (حدوته بنوته) … الفصل الثالث
في منزل مهاب يدق جرس الباب
أميرة : ايه ده هي البت سري لحقت ،اقوم اشوف مين .
_تفتح أميرة الباب لتجد علبة هدايا ويوجد عليها كارت
،تفتح أميرة الكارت لتجد كلام يجعل قلبها يخفق من شدة الخوف على زوجها (المرة دي بنحذرك بس المرة الجاية الطلقة دي هتنهي حياتك)،وتأخذ علبة الهدايا وتدخل
إلى المنزل ،تفتح العلبة وهي ترتعش من الخوف وتجد بالفعل رصاصة .
*في مصنع الصياد*
يوسف الصياد: مهاب لازم نتصرف كدا المصنع هيقفل.
مهاب : حضرتك خدت من الحاج مهدي الله يرحمه المصنع ،ومشلتش اسمه من على المصنع عشان كان صديق والدك وغالي جداً عند حضرتك ،ودا من أصل حضرتك ، ولاده معملوش بكدا ،وبوظوا المكن ،بس المهندس بيحاول يوصل لحل ،وهتتحل بإذن الله.
يوسف: لو موصلش المصنع ممكن يقفل في طلبيات بملايين ومفيش سيوله تكفي الخسارة.
مهاب: امبارح انا اتكلمت مع معاذ المهدي وفهمته كويس أن المصنع اشتريناه قبل ما الحاج مهدي يموت ،ومش ذنبنا أن والده باع لينا .
يوسف: وقالك أي .
مهاب : قال وأنا هأذيكوا ليه ،شوفوا مين عاوز الخسارة ليكم ،وقفل.
يوسف : ربنا يستر
مهاب : أنا هنزل اتابع دلوقتي مع المهندس.
يوسف : تمام أنا نازل معاك.
_يرن هاتف مهاب_
أميرة: الحقني يا مهاب الأول أنت كويس
مهاب : اه الحمد الله ،في ايه قلقتينى.
أميرة : في حد بعتلك ..،وبدات تحكيله
مهاب: طيب أنا هخلص وأجي متقلقيش وخلي بالك من نفسك ،سلام.
*في مكتب عبدالرحمن الصياد*
_تدخل فتاة(لقاء) في العشرين ،جميلة الوجهه عيونها تميل إلى لون الشمس وقت الغروب _
لقاء: صباح الخير يا ٱنسه ،ممكن اقابل استاذ عبد الرحمن.
سرين: تمام ،ممكن اسم حضرتك عشان اقوله مين ؟
لقاء:قوليله لقاء المهدي طالبة في تالتة حقوق جامعة عين شمس.
سرين : تمام ،لحظه واحده.
_دخلت سرين لعبد الرحمن _
سرين : في ٱنسه اسمها لقاء المهدي منتظرة حضرتك
عبد الرحمن: يا سرين قولتلك بلاش حضرتك ،انتي شغاله معايا مش عندي ،ووالدك اللي مربيني .
سرين : احم حاضر يا عبد الرحمن، هخليها تدخل .
عبد الرحمن : حلو اسمي على فكره .
سرين : بعد اذنك .
عبد الرحمن : اهلا وسهلا ٱنسه لقاء
لقاء: أهلا بحضرتك ، في الحقيقة استغربت لما لقيت مسدج أن أجي اقابل حضرتك ،واشتغل في المكتب تحت التدريب.
عبد الرحمن : مفيش استغراب يا ٱنسه لقاء ،بس كليتك هتنقلي إسكندرية ولا ٱي عشان ابقى عارف .
لقاء : الكلية سبت وتلات وباقي الأسبوع ببقا في إسكندرية .
عبد الرحمن : تمام ،بالتوفيق تقدري تستلمي الشغل من النهاردة.
_خرجت لقاء لتجد سرين…_
