بقلم : سمر إسماعيل
عاملة ايه ؟!!!
لسه بريئة و لسه ساذجة ؟!!!
لسه فاكرة أنكِ قدام
عينيا بتبقى أحلى ؟!!!
لسه عينيكِ دنيا
قادرة تحيى قلب ميت
قادرة تفتح ألف سكة ؟!!!
لسه سحر حُسنكِ
وإبتسامتكِ بيحطوا
قوانين جديدة للجاذبية ؟!!!
لسه باقية ع شقاوتكِ ، جنانكِ ؟!!!
لسه نجمة مش
محطوطة ف مكانكِ ؟!!!
لسه فاكرة كل اللى ظلمكِ
كل اللى ضايقكِ
كل اللى جرحكِ
كل اللى قالكِ كلمة وحشة
كل اللى خانكِ ؟!!!
لسه ملامحكِ ، تعبيراتكِ
واضحة و شفافة جدا ؟!!!
مقابر الدمع صاحية
ف قلبكِ وم الدلال
باينة أطعم باينة أجمل
لسه مُصرة تحسسينى
أن نزلت من عينيكِ
يوم م غبت عنك وسيبتكِ ؟!!!
لسه باقية ع بنا …
غصب عنى وغصب عنكِ ؟!!!
تاريخ الحزن ف مداينى
قصاد جمالكِ مش راضى يحزن
أضحكى بالله عليكِ
كل حاجة هتبقى أحسن
