“صرخة تئن”
من ديوان خارج الزمن
بقلم الشاعر/ خالد الجمال
لما برد دم العروق
تبعد تروح عنا الحياة
نلقي روحنا ملناش حدود
واللي يعود مدبوح حروف
شاربة خوف حبل السوكات
اللي مات جوة التاريخ
قبل الشروق أمتي نفوق
وتحييا فينا الذكريات
للي جاي من عهد فات
لما صلاح كتب الصلاح
والسماح فجر لاح
للقدس يضحك والأقصى باح
وتاريخنا يشهد بأيد قوية
كسبوا القضية ي ا ريتها دامت
د اليوم د راحت من أيدينا
لما انشغلنا بالوعود
م اللي يرعي واللي يحود
وف كل د ملناش وجود
إلا ف خيال اللي مال
بأي حال ساب الطريق
في عهد حالي
ندور نلف زى السواقي
ونلقي أيه أيه اللي باقي
صرخة طله مش بعيدة
جوة روحنا ملقتشي مطرح
تصرخ تئن حروف جراحها
واللي صنعها يوم ما باعها
بكاس ورقصة قام دبحها
يوم فرحها لحد أمتي
تكتب كتابك حروفه خوف
غيرت اسمك ورسمت رسمك
وجه يقاسمك اللي عمره
ما كان حبيبك ما أنت سامي
حقيقة ولا حبة أسامي
إسرائيل مش همة همة
اللي كانوا في الأصل أمة
دول شتات ملمومة لمه
يوسف ونالها خبي ف أثارها
وف نفسه شالها أمتي السماح
القدس تصرخ في أيد غريبة
والأقصي نادي كفاية طيبة
داسوا الكنايس
والمعابد واللي عابد
والمساجد وقت الصلاة
لساك بتسأل
عن الحياة ….؟
