{1}
الدنيا ساعات ..
بتهد ساعات..
أوقات يانغم..
بتصحّى دموع،،
وساعات بسمات!،
والناس ..
بين الحال والحال…
مسنودة..
على كتاف الصبر..
بيشدوا ..
البسمة من الدّمعه،،
بعد ميطفى الدمع النار..
سرالعطف..
ف وقت الضيق..
بيهوِّن ..
ف نهارها الغربه،،
والوحده..
ف ليل السهد نسيمها..
بيبرّد ..
اشواق حسينها..
اللى اختاروا العشق طريق!.
……………………………
{2}
على ريق الحلم ..
بنستطعم ..
أنّات الشوق..
كل المنى ف القلب
نظرة..
تختصر مسافات سنين..
تحضن اتنين ملهوفين ..
ف ليالى قرب!.
دوامات..
عصف الحياة..
ف زمنّا..
سارقة..
سنين صفانا،،
ياحكاية..
بتغيّر حروفها..
عارف ،،
وشفت،،
ولسّه أعمى!؟..
خايف ..
من النور يجرحه..
وقت الهيام ميشد
من روحه الكلام ..
الرفض لعنه،،
والقبول ..
مش لاقى معنى..
دنيا بتدق الطبول..
إفرحى..
هفضل كده مجهول!.
…….. …………………………….
{3}
مستغربانى..
اكمنى وحدى..
بحب غيباً..
ساكت ..
مبتكلمش أبدا..
مع ان ..
ف عيونى الكلام دمعة..
قايد ..
كيانى سكوتى لاكنّى..
عايش..
ف ليل الناس ..
ف دور شمعه..
مصيرى اقول..
اللى ف عنيه،،
وساعتها هتقدّر،،
ولو كانت لغيرى..
سر السكوت!.
………………………………..
{4}
الإنسانيّة..
سؤال برئ ..
غريق يانهر الحب ..
ف شرور البشر،،
وحياة قلوبنا ..
ف ركن ضلمة..
مشبوحة..
من ضعف الأمل..
العشق وادى..
مالوش خريطة. .
ف أرض بايرة..
العشق..
من الم الحياة..
بقى صورة..
باهتة من اللى فات،،
ومفيش وراه ..
غير المواجع…
اللى جارحه كيانى غيبا!.
