بحلم أطير وتحتي بحار هايجه
الأديبة نهلة الديب
بحلم أطير فوق ف السما
ولو تحتي بحار هايجة
وأحلم بأرض خضارها زاهي
رغم الغابات بنارها قايدة
ماتقولش فووق
متقتلش الأمل جوايا
نفسي أهرب م الظلام
وأستنى طاقة نور وآية
بحلم أبعد عن الحروب
أنسى لون الدم خالص
أنسى شكل الموت وريحته
أكتب الأحلام قصائد
أغزل الأشعار غناوي
أوعى يوم تمنعني أحلم
أن بعد الليل وطوله
النهار هيزورنا حتما
والربيع في ميعاده راجع
للقلوب .. يشفي المواجع
يعني طول ماانا عايشة هحلم
أن أنا إنسان وحقي..
دنيا أطمن معاها
ناس سلامها ف صوت غناها
والقلوب ضحكتها تعلا
أعلى من صرخات بكاها
أيوة كل الناس بتحلم
بالحياة .. فاحلم معاها
….
#نهلة_الديب
