“مين صح”
من ديوان الدائرة دارت
للأديب/ خالد الجمال…
سؤال محيرني
إجابته مجهولة
ومين يفهمني
ويفتح الصورة
ألوانها مش باينة
باهتة ما تعرف
زايدة ما تعرف
أو منها مسحوبة
دايرة جوانا
فاردة أسبابها
بقولها بأمانة
دي صورة محسوبة
والعد تاه مني
والضرب والقسمة
والطرح كان بينا
أنفاسه محسوسة
الدنيا دوارة
ع القصر والحارة
دا اللي عاش عمره
زي اللي مات بدري
الكل دايقها
واللي ضيقها
مكانش له غاية
غير تبقي مقلوبة
الصح له علامة
مخفية ف قلوبنا
حالفة ما تظهر
إلا يوم عيدها
الوقت متأخر
وعيدها فات مني
واللي زعلني
أزاي اراضيها
وهي مرمية
ف سدري من بدري
ف امبارح الوردي
وعنية م صولة
في صورة مخيولة
الشر عاتبني
والخير يهاجمني
وكأنه مش راضي
واللي شاغلني
ألاقي مين فاضي
يبص جوايا
يمكن يفهمني
الصح وعمايله
