إسمع منى بقولها لك
بقلم علاء عامر
إسمع مني بقولها لك
كلمة مش بعيدها لك
أنت نويت تقفل بابك
على قلبى يوم ماجالك
عايز تقول أنك وحدانى
ماأنت طول عمرك أنانى
عايش بس تحب نفسك
فاكر الدنيا كلها بتحبك
بطل تلعب دور البطولة
أنت لسة فى سنة أولى
لسة هقول قصتى وياك
وعادى مش فارقة معاك
مش كل حكاية يبقالها بداية
وانت حكايتك مالهاش نهاية
تعرف تحسب مطر الشتا
لما أيديك ماتحس بالدفا
عارف لما قلبك يعاندك
وتبقى واقف كدا وحدك
تحلم بحضن دافى يضمك
تحن لية ويداوى حزنك
تقدر توصف فمرة حالك
أمتى أتغير ولية دا جرالك
يمكن ولا بلاش أنا أعاتبك
أصل عتابى مش فصالحك
حاولت مرة قول مرات
بس العمر سبقنى وفات
مش زعلانة ولا ندمانة
ولا عشقانة ولا هيمانة
كفاية عليا قفلت شباكى
على قلبى بحضن فكتابى
وبقيت بحلم تانى بغيرك
شكرا جدا ليك ولخيرك
