*ياعم ياصياد*
بقلم الكيميائية / كريمة الشقري***
ياعم ياصياد
إصطاد لي حنية
أهادي بيها ناس
صافية النية
أفتح لها قلبي
وأشيلها ف عنيا
ياصياد الكلام ،
إصطاد لنا كلمة
نداوي بيها جراح
للقلوب واجعة
وندل بيها نفوس
من زمان تايهة
ياصياد المحبة
إصطاد لنا حبة
نخلي بيها قلوب
بعد العِدا أحبة
ياصياد الصبر
هاتلي منه كتير
أصل إللي عندي نفد
وخايفه عقلي يطير
دي الدنيا فيها بشر
مطمرش فيها خير
ياصياد الفرح
أوعى تنساني
محتاجة أنا فرحة
تدمع لها عيني .
