كتب
: أشرف عيد
بسبب التوك توك
1/ تراجع الاقبال علي التعليم في مصر
2/ انتشار السرقه
3/ انتشار الاغتصاب
4/انتشار الجريمه في العموم في مصر
5/ انتشار البلطجه
والكارثه الحقيقه
هي في السنين القليله المقبله
اختفاء الايد العامله المصريه في كل المجالات
نساج – خراط – عامل بلاستيك – عامل صباغة – عامل مدبغة – الخ
والمهن اليدويه مثل
المبلط – الكهربائي – السباك – السمكري – بتاع الدوكو – بتاع الرخام- الحداد -النجار- السواق- الحفار- النحات- الخ الخ الخ
بالبلدي كده مفيش الواد بلية
عارفين ليه
علشان مفيش عامل او صبي بيتعلم من المعلم اللي اول ما ينتهي عمره هتنتهي صنعته معاه
لأنه مش لاقي مساعد لان الصبي او المساعد هيطلع من 5 المغرب ل 12 ليلا هيطبق ال 200 جنيه وعمال يعاكس في البنات ويسمع الفلاشه مهرجانات وسيجارة الحشيش ومزاجه تمام التمام
ولا هيطلع مع معلم من 7 صباحا ل 7 المغرب شيل وحط
وفي الاخر ياخد 30ج ولا حتي 50ج
لدرجة المعلمين بيعرضوا حاليا فوق ال 100ج
ومش لاقين عمال
تحديث
_____ لابد من وجود طريقة لتقنين التوك توك
وإصدار قانون موحد علي مستوي الجمهورية لمن يقود التوك توك
محدد السن القانونية اللازمة للقيادة
و الحالة الصحية والنفسية
التسعيرة للمسافات
كشف المخدرات
إلخ الخ
للأسف احنا عندنا كل حاجه بناخدها بنطبقها غلط التوكتوك في الهند عامل طفره ومشغل ايدي عامله بس ليه علشان هو مترخص والسواقين عليه معاهم رخص زيه زي اي تاكسي ليه نظام فعلشان كده عارفين يشغلوه صح عندنا نزل ببلاش واي حد بيسوقه واي سن ومالوش لارقم ولا رخص وفعلا اي حد بيسيب صنعته ويروح يشتغل عليه كل حاجه محتاجه نظام صح علشان تستخدمها صح بدل مانوقفه ونبوظ دخل لاسر معتمده عليه خلينا نعمله قانون يكون فيه ليه رقم ورخصه للتكتوك وللسواق اللي عليه علشان نقنن استخدامه
انقذوا مصر يا حكومه من شبح التوك توك
اللي دمر مستقبل الصناعة و مستقبل الشباب و الأجيال القادمة
