شِعر برئ 

شِعر برئ 

بقلم ياسمين زايد

الشعر مش للندب

ولا حتى للتلقيح

أنا شعرى ابرء جداً 

من رميه ويا الريح

أنا قلبى كان أطهر

من أنه يبقى جريح

أنا شعرى بيعبر

عن شئ بسيط مني 

فى الوحدة كان الايد

تسندني و تعيني

الشعر ساتر ياما

دموع مبنشوفهاش

الشعر بيداوى

أوجاع مبتسبناش

الشعر مش للحزن

ولا فاضى للحكايات

مش كل واحد ساب

تتخطله الأبيات 

ولا كل واحد غدر

هجائه صار واجب

الشعر للى انقهر

على فرح كان غايب

الشعر للى يصون

ابياته من قلبه

الشعر للى يحس

ويفهم سبب سرده

مش كل كلمه انكتبت

صاحبها كان بارع

ولا كل شخص حزين

اصبح فى يوم شاعر