بقلم /عطيه عفيفى
سلامي للاصحاب
اللي عاملين احباب
الكل بتاع مصلحته
وقفلت وراهم الباب
يعرفني وقت الزنقه
ييجي يخبط عالباب
يقولي حبيبي وصاحبي
انا حالتي ياخوي هباب
ونيجي نقعد عالقهوه
ادفعله الحساب
ولما اركب عربيه
يعمل نايم ياعنيه
ولما احاسب السواق
ياخد باقي الحساب
وانا اعمل ايه ياناس
في الصاحب ابو بلاش
ياكل في عيشي وملحي
ولما يخرج بره
يبوح بسري ويحكي
ولما اقوله مالك
يقول نسيت وخلاص
كفايه يادنيا علي
صاحب أصيل وخلاص
