…..ولسه القدس مش حرة……
كلمات
محمد السيد سالم
ولسه القدس مش حرة
وصاحب الارض نام بره
وشاف القهر من ذله
في صوره حيه للدره
ولسه القدس مش حره
ولسه قلبى كله حزين
وزاد الجرح بفلسطين
بطلقه غدر جت لشرين
سلاح غدار وبان شره
ولسه القدس مش حره
ولسه الجرح جواني
و طعم الملح في لساني
وعامل شرخ فى كيانى
هجرني الفرح كم مره
ولسه القدس مش حره
وقالوا قول و سمعنا
كلامك مهما يوجعنا
وحلمك فسره رجوعنا
حقيقه فى طعمهامره
ولسه القدس مش حره
كتبت القدس عربيه
ورفعت الرايه بايديا
وقالوا في اتفاقيه
حضرها حلف من بره
ولسه القدس مش حره
بنحلم بس مش نائمين
ونكتب كل سطر حزين
ننادى يا صلاح الدين
حررها وعيد لنا الكره
ولسه القدس مش حره
ضمير الامه كله غاب
تاريخهم دونه في كتاب
ونسيوا عمر بن الخطاب
فتحها وقالها دى حره
ولسه القدس مش حره
كلمات
محمد السيد سالم
