فاكرين

قبل ثورة يونية الأبِيِّة

فاكرين الدقنْ والجلابيِّة

والعصايةْ والبندقيِّة

وحِصارْ الدستوريِّة

وكل جمعة مليونيِّة

ولبيّْكِ ياسوريِّة

والبلغة والطاقيِّة

فى قصر الإتحاديِّة

والوظايف للناس اللى هِيِّه

وازمة البنزين والسولار …

والطاقة الكهربيِّة

كانت سنة سودا وعالم غبيِّة

وأتاريها جماعة ارهابيِّة

بالقاعدة والدواعش مستقويِّة

وكانوا ناس مفتريِّة

لا سياسة ولا مفهوميِّة

أساتذة فى الفتة والملوخية

والظلم والأذيِّة …

إرهاب وتخريب وهمجيِّة

ويعاملونا كأنِنَّا تمليِّة

فاكرين الاهانة وشغل العربجيِّة

والقتل وحرايق الأبنيِّة

ولما الشعب قال [تمرد]

هاجوا وكرروا الشرعيِّة

والشعب قال كلمته …

وقامت ثورة إنما شعبية

وغاروا فى داهية العَفْيَجِيِّةْ !!!

والعِشرةْ والأخويِّةْ

مصر على العِدا عصيِّة

واسألوا ابو الهول والهرم

وورقة البرديِّة …

والنيل والكرمْ …

والمجامع العلميِّةْ

إحنا التاريخ والحضارةْ

وايامنا اللى جايِّةْ

دولة عظيمة و مدنيِّةْ

أم الدنيا مصر العليِّة

وكل عام وهىَّ عفيِّة