جوّه

ابراهيم منصور بدر
 {1}.
لمّا الوجع..
من غير خوانه ..
يدخل القلب البرئ..
بيشق بين شراينه..
شلال من حمم..
يرمى الزمن ..
صور الألم
على نبض خافت
يفرطه دمعات حنين!.
…………………………..
{2}..
واقفه الساعات..
من غير عقارب..
جايفه القلوب بتضُخ سم!.
عند الأهم ..
من المهم..
تربّى قلبك..
وكأنه ..
طفل بيتفطم!.
لمسِك أوى لكن خلاص..
كل اللى جوّه ..
مالوش طريق
غير الألم!.
…………………………
{3}…
جُزُر الغياب..
بتكسّر الموج العواصف..
تتبدّل..
الأمواج عواطف..
يهدى الغياب ،،
ويدوب ف دمّى!..
من صغر حلمى..
بيغنّى فيّه ألم حنيِّن..
عمرى الملوِّن ..
مش مبيّن ..
من كيانى..
غير نظره
زايغه من العذاب!.
……………………………..
{4 }….
لمّا الوجع بيرن جوّه..
يتبّل قلبى بدم مالح..
واسمع وانا مغمض وسارح..
أصوات مخيفه..
وكأن بين فراغات ضلوعى..
عصف نوّه!.