ياعم ياصياد
بقلم / كريمة الشقري
ياصياد الكلام ، اصطاد لنا كلمة
نداوي بيها جراح للقلوب واجعة
وندل بيها نفوس من زمان تايهة
ياصياد المحبة اصطاد لنا حبة
نخلي بيها قلوب بعد العِدا أحبة
ياصياد الصبر هاتلي منه كتير
أصل إللي عندي خلص
وخايفه عقلي يطير
دي الدنيا فيها بشر
مطمرش فيها خير
ياصياد الفرح أوعى تنساني
محتاجة أنا فرحة تدمع لها عيني
ياعم ياصياد اصطاد لي حنية
أهادي بيها ناس صافية النية
أفتح لها قلبي واشيلها ف عنيا
