ياريتني
بقلم : عطيه عفيفي
ياريتني
أنا كنت فيوم حبيبك
وكنت فيوم نصيبك
أنا اللي جنيت عليكي
وكمان إهمالي ليكي
والوقت كله لغيرك
خلاني قررت أبيعك
وسنين عدت عليا
مع كل واحده شويه
كنت بدور فيهم
عالحب وعا لحنيه
لكن ملقتش فيهم
عن حب تاني ليا
وعرفت إني أناني
الحب كان أمامي
ضاع مني وبإيديا
فكرت أرجع وأقولك
إني اتحرمت منك
وحلمي كله تسامحي
يمكن فيوم أرجعلك
لاقيتك واحده تانيه
وعايشه عيشه هنيه
زوج و قامه ثريه
وأولاد تربيه سويه
بصيت ليكي ساعتها
وقولت يارب إسعدها
أنا كنت كل حياتها
كانت تتمني كلمه
ما خانتني ولا مره
وكمني كنت أناني
وقلبي ياما لهاني
خلاني طلقتها
والله يااغلي ماليا
راح اشيل مني الانانيه
واقول يارب وادعي
يحقق لك كل الأماني