من أدب الأطفال
قصه صور كلماتها الشاعر
الرائع عبد السلام بدر
هاني والثعلب.
هاني ابن تاجر كبير
من اكبر التجار.
عنده خدم يخدموه
دايما ف ليل ونهار
وفلوس أبوه من تجارته
حصلت مليار.
هاني طلع ع الجبل
يصطاد ف يوم غزلان.
شاف ديب ف حضن الجبل.
باين عليه عيان
طبعا وحيد ع الخلا
لاطير ولا اغصان
هاني اندهش قاله عقله
الديب حياكل ايه
وهو بالشكل ده
نائم ولا دريان
وشويه شاف معزه
جايه ع الجيل تجري
وجاي يجري ورا المعزه
اسد بري
وحبه حبه الأسد
حصلها من بدرى
هجم عليها افترسها
بسن أنيابه
كل اللي اكله منها
واللي فاض سابه
الديب زحف يمها
اكل منها
ولما كل واتملت بطنه
بعد عنها
هاني قال دي حكمه
واحنا جاهلينها
الرزق جه للمريض
اللي انطوت رجليه
يا رازق الكل يا ستار ياربانها
هاني رجع قال لابوه
اصل الحكايه ايه
وليه ف طول عمرنا
نجاهد ونتعب ليه
الرزق جه للمريض
اللي انطوت رجليه
من غير مايتعب
ويروح ويجري عليه
أبوه قاله يا بني
خليك أسد افضل
تأكل الدياب فضلت
افهم بقي يا نبيه
عبد السلام بدر
