أغنية موثقة
((((( نفس المكان)))))
محمدابوالحسن
“””””””””””””””””””””
أنا هستناك هنا.
ياحبيب قلبي أنا.
إنشالله تغيب سنة.
هتجيني تلاقيني.
بشوقي وبحنيني
شايلاك في نن عيني.
وداعهد بينك وبيني.
والشاهد عليا.
في غيابك ربنا.
********
وفي نفس المكان
اللي جمعنا زمان
أول مرة اتقابلنا
في حكاية حبنا
هنافيه عمري وحياتي
وأغلى ذكرياتي
ودموعي وآهاتي
والفرْح والهنا
********
فاكر إيه جرالنا
أول مرة اتقابلنا
الوقت يومها سرقنا
ومحسناش بروحنا
علشان كنا سوى
أنا وانت لوحدنا
ساعتها احنا اتولدنا
وكتبنا تاريخ ميلادنا
وقلنامن النهارده
هيبدأ عمرنا
*********
ونسينا اللي فاتنا
وعذابنا وآهاتنا
وكأنه مش لنا
يومها قلنا كلام كثير
خلا العصافير تغير
من غرامنا وحبنا
والنهارده انا هستناك
وهعيد الماضي
تاني معاك
ونفس المكان هيضمنا
