بقلم/ محمود شعبان
مينفعكيش
دا كفه متحني
ورمشه متمسكر
معرفش عاجبك ليه
قلبك هيتكسر
بتقولي دا عاجبني
وأنه هيسعدني
حتي عن الجواز
قالي ووعدني
خلاص
إنتي حره
روحي وأرضي
هتبقي دره
بس لوجه الله
هديكي عنه دليل
الأسم هو فلان
وعنده ألف بديل
جرح البنات عنده
زي ضحية العيد
كانها واجب
وبيعمله وسعيد
فرحانه بالدقن
ورسمة العضلات
الشكل راجل أه
لاكنه طبع زينات
مبسوطه وسط الناس
بالضحكه والخروجات
هما يومين عومي
وهتترمي في أهات
هيقولك أنت العمر
والزينه والأصل
وأن البنات دول
دول يبقو صحبه فصل
وإني عمري ما أخونك
دول يبقو أخوات
وكلمتي سيف
هو أنا أبقي زينات
هيسهرك بليل
علي نغمة العشاق
وهتصحي وقت الفجر
علي وجع وفراق
ونصيحه وهقولك
خدي فقير الحال
أبن الأصول والأصل
لا يعرف عليكي فلانه
ولا حتي صحبة فصل
هيراعي فيكي الله
وكلامه كله زين
أرضي هتتراضي
وأبعدي عن الشين
فبلاش عديم الوعد
أبو كف متحني
رسمتو هتزول
وعليكي بيغني
ولو هتوفقي عليه
خلاص إنتي حره
روحي وأرضي
هتبقي دره