………{تفاصيل}…….
………………………
{1}.زيي الحلم ..
العمر ف عينه..
مرّة يغمّض..
تحت جفونه ..
دمعة فرحة،،
ومرّة يغمّض..
تحت جفونه..
دمعة حزن..
ملاقاش..
مش هيلاقى الحضن..
لكن لاقى كتير أحلام!.
…………………………..
{2}..
ليه ف الحياه ..
صِدق الغنى تعذيب؟..
مفروشة نار..
سكّتنا للجنّه!.
حتّى الصحاب..
في رد فعل غريب..
مِشيوا ف طريق..
للفرقه وصّلنا..
تدبل قلوب
قطعت ..
حبال الوصل،،
وتعيش قلوب..
بعد الغياب حنَّة!.
……………………………..
{3}…
فِكرِك يعيش..
شئ إنتى موِّتيه!..
مالك بروح ..
سرقتها أحضانِك؟.
زيي الزَّمن..
قلبك عصف..
أوِّل ماصابنى ضعف!..
أرخص تمن..
تمن اللى ..
يبعد ف الخطر..
وقت إمتحان القدر..
تلاقيه ..
جرئ ف الخطف..
يخطف..
سنين وحنين..
ينكر..
ساعات العطف!.
……………………………..
{4}…
أيّامنا..
أصلاً كده..
غريبه مستغربه..
إنسان..
ماليه العطف..
بينه وبين البشر..
مواويل..
تبكّي الحجر..
ومالوش..
دليل ف الضعف!.
……………………………
{5}…..
رقّة..
العالم ف حضنك..
غرقتنى دموع..
كنت فاكرِك..
زي روحى..
قايدة ..
للكون الشموع..
بس بين ..
تفاصيل غرامنا..
شفت..
شكل القسوة ايه..
راح كتير لكن قليّل..
عاللى وصلتينى ليه؟!.
