إبراهيم منصور…
{1}.
حضن السما..
مبقاش يضم الورد..
شلاﻻت الروح نداها..
مبقاش يدفّى الحب..
العقول صبِّت صداها..
جرفت اﻷحاسيس لمنفى..
والقلوب بين الحواجز..
دورها بس النبض!.
……………………….
{2}..
تجرحينى..
لما اشوف غيرك مقرّب..
وانتى خايفه بتبعدينى؟!..
واقف مبين حبك وبينهم..
بسمع ..
اللى اتمنّى منّك اسمعه..
واﻻقينى بين..
حبك،،
وبين غواية قربهم..
مقطوع حتت..
مخزوقه عينى!.
………………………………
{3}…
مبقاش ..
يدفّى الوحده شوقى..
زادت حروقى ف انتظارك،،
وبقيت ف نار ..
تاهت خطايا..
ازاى معايا ومش معايا؟؛؛
وآجى اصارحك..
اﻻقى حبك..
أقوى من كل الهواجس..
احس شوق القلب ..
دايس عالكلام..
اسكت شريد ،
واتمنى اموت جمبك شهيد!.
……………………………….
{4}….
مش قادر ..
اتخيِّلنى أبدا ويّا غيرك..
رابط مصير..
عمرى بمصيرك،،
وكتير اوى حواليا حلموا
بيا وانتى مش هنا..
بضعف قوى وحدى وانا..
بين غرامك والغريزه!.
………………………..
{5}…..
تفجأينى..
تقولى حبيبى أَتْزلزِل. .
تنسينى الصحاب واﻷهل،،
واشوف الدنيا ..
ف مراية عيونك نهر،،
وانا وانتى على شطّه ..
بنتهجّى الهوى أنغام..
بنتكلّم..
أتوه فيكى..
احس بروحى بتسلم ..
على إيديكى..
وحتى ف وقت مبنسكت ..
تطير ف الجو انفاسنا..
تقابل بعض باﻷحضان..
أنا إنسان وانا معاكى..
ومن غيرك شبيه إنسان!.