مع الايام
…
بقلم الكاتب /محمد عباس
الاسماعيليه
…….
وبنعافر مع الايام
ورغم الوحدة والاوهام
لابعنا في يوم
خسيس وجبان
ولاقلنا هيدفع كام
…..
وبنعدي جبال الصعب
ورغم الحيرة ويا البعد
لاجينا في يوم
خلفنا الوعد
ولارضينا نفارق بعض
..
وصابرين ع الحياة واللوم
نعيش اغراب راكبنا هموم
بعدنا عن طريق الخير
وقلنا كان قدر مقسوم
…
تعود البسمة من تاني
تهز روحي وكياني
ترجعني لاحلي شعور
شعور بيصفي احزاني
…..
وبنعافر مع الايام
ورغم الوحدة والاشجان
لابعنا يوم خسيس وجبان
ولاقلنا هيدفع كام
….
ميراث الغدر كله ظنون
جحود قسوة اخرها ديون
ويبقي الظلم اد الكون
في دنيا واخرة
مش بيهون
…
وبنعافر مع الايام
ورغم الوحدة والحرمان
لابعنا في يوم
خسيس وجبان
ولانسينا عتاب والآلام
……
صراع في غابة وديابة
وشوش قادرة وكدابة
شهود في دنيا قلابة
علي المظلوم وغلابة
….
من ديوان( رياح الغدر )
