مصدر فلوس الاهلى إيه؟
كتب: اسعد عثمان
ماذالت تصريحات الصحفي احمد الخضري تجاه شركة الكره بالنادي الاهلى والتشكيك في مواردها امر يلقي بظلاله على إدارة القلعه الحمراء بشكل غير مسبوق، حيث التحركات على اصعده مختلفه ومتعدده لاتخاذ كثير من الأجراءات القانونية تجاة الصحفي أحمد الخضري
الأمر الذي دفع الإعلامي الرياضي احمد شوبير الذي يقدم برنامج حارس الأهلى من خلال قناة النادي بالحديث عن تلك التصريحات حيث قال:
“أنا أبويا الله يرحمه قالي: ذاكر تنجح.. معادلة بسيطة.
إحنا اليومين دول في مصيـبة سودا، عشنا سنين في المظلومية: وكالة الأهرام، تحكيم، إعلام، مؤامرات.. خلصنا من دي، دلوقتي بيقولك “مصدر الفلوس إيه؟”
تقوله دي جايزة كأس العالم للأندية 10 مليون دولار = نص مليار جنيه.. وفوز واحد في البطولة بـ 2 مليون دولار = 100 مليون جنيه، يعمل نفسه مش سامع!
تقوله محمد عبد المنعم بـ 4 مليون يورو = 200 مليون جنيه، برضه يقولك “الفلوس منين؟”
تقوله جايزة دوري أبطال إفريقيا 4 مليون دولار = 200 مليون، والأهلي فاز بيها 4 مرات ووصل النهائي 5 مرات في آخر 5 سنين، برضه مش راضي يفهم!
طب والرعاية؟ عقود البث؟ مش ناوي تتعلم؟ تذاكر وتنجح؟ عشان تنافسني وتسابقني ؟وتعرف ترد عليا؟
وييجي مسؤول يقول “الدولة تعامل الأهلي أفضل من منتخب مصر! واسألو الاهلي عن مصدر الاموال “.. عيب! واعرف حدودك.
مش مشكلتي إنك خاسر ومتعرفش جوائز البطولات دي لانك لم تشارك بها نهائياً .. خليك في أوهامك، وليك حدود، وخليك مع نفسك وجمهورك.”
