.{مستحيل}.

إبراهيم منصور بدر
………..
{1}.
ممكن نحب..
لاكن مفيش ..
ف الحب قلب..
بينتصر على قلب!..
دمع الهوى..
بين اللى فارق،،
واللى حاول ..
يبتسم من حسرته..
إحساسه صعب!..
مش ساكت علشان يتغيّر..
ولا قاصد حيرة حد!..
ساكت علشان وصفه غريب..
ف سنين ساكنة دموع القلب!.
………………………………
{2}..
يتبدّل حلم..
بحلم ف حلم،،
وكل مابتحس إنّك صاحى!..
تطلع عايش..
لقطة ف فيلم؟..
قلبك فين ..
من سكّة عمرك،،
ومفيش..
جوّه الحلم ساعات؟..
أسرع من نبضك أيامك..
ماشى العكس..
ف نص السكّه،،
وبتسأل
ليه حلمك مات؟!..
………………………
{3}…
بين دقّه ودقّه..
تلاقى الرقّه ..
ف حضن خيال..
مبنلمسهوش..
مش بنعيش،،
ولا بنشوف..
غير ف الخيالات..
بين الدقّات..
طيف الأحاسيس ..
بنسلّم ،،
ونغمّض،،
ونميّل،،
وتليّل تنشف حواديتنا..
على خد قلوب المحابيس !.
……………………………..
{4}
من حلم البنت ..
اللى بتفرح..
بالبسمة ف أحضان الحب..
لضراوة..
مخلوقه بتدبح..
بشراسه..
ف دقات القلب..
للِّيل المفطوم عالدمعه..
لنهار..
غاب النّور عن فجره،،
وساب
على خد سماه ف رحيلة..
أشلاء قلب!.