مسافر والسلام عليكم
******__
بقلمى /جمعه البقارى
خلاص مسافر وحتسبنا
ويبقى الفكر عليك مشتتنا
جرا ايه ياوليه مالك
هو انا رابح فسحه
فجاردن ستى ولا الزمالك
أنا مسافر وللسفر مجبور
عشان خاطرك وخاطر عيتلك
ايص لعنيكى الاقى الدمعه محبوسه
واسمع انين قلبك اه انا الموكسه
ناس فلان صبو بيتهم
وبقت العيشه نضيفه
جارتى لابسه غوايش
واختى جابولها قطيفه
وابن فلان محلي كلامو
اتنور وكمل علامو
وبت فلان جابولها
احلى جهاز عروسه
يبت الناس سيبنى اسافر
نكمل علام الود ونستر البنتين
دا الكل حوالينا بنى وصب
وبيتنا حيطان عليها سباتين
واقولك هاتيلى لقمه اكلها
تردى اسخنلك الملوخيه
واكسر لك دحتين
مهو زنك على ودانى فاق
بكتير من زن الناموسه
انا كنت راضي برزقى ولقمه
فى مش ا و ملوخيه مغموصه
وكل يوم الصبح اركب حمارى
وفى ايدى ماسك حبل الجاموسه
فصبح وليل تقولى بنت فلان
جابولها احلى جهاز عروسه
يبنات حوى امركم عجيب
اصبحتم عناكائن غريب
غرستو فى قلوبنا جرح
ندر الدوى منو والطبيب
متعرفو قيمة الراجل الا
ف البعد عنكن ويعيش غريب
اقولك والسلام عليكم
