“ما ترميش للحمار ودنك”
بقلم د.الحسين أحمد الفار ….
ما ترميش للخــروف ودنك
وشوف قال ايه رسول ربك :
“من أصبح منكم آمناً في سربه ،
معافيً في جسده ،
عنده قوت يومه ،
فكأنما حيزت له الدنيا بحذافيرها “
هموم بكره دا غيـــــب ربك
يا عالم ايه هيحصلك
وطالما بكره لسه مجـــــــاش
فَعيــش وفرَح ولا يــهمك
لأجل لله عشـــان ربك
تصون عقلك وصون بلدك
وتصبر لأجل مصر تكـــــون
أمان علشـــان خاطر وَلَدَك
زمــان عشناها عليٰ لَـــــمبه
وشُفنا الحــــر والضلمـــــه
علي الطبيله كَلنَا زمـان
في وســــط العيله واللَّمه
ومَر زمنــــــا ومر زمنـــــــا دا وعــــدَّيٰ
ودنيا بقت غير الدنيـــــا
وعِيشنا كتيـــر .. كتيييير شُفنا
ونــــور العِلـــم طَــــوَّرنا ،.
وجيل وريٰ جيل أوام عَديٰ
دَلَعْنــــــا زاد لأولَدنــــــا
وشيلنا الذَنـــب سِبناهم
لديب الغرب م الفرحـــــــــــه
يارتهم اخدوا منهم عِلــــم !
دا اخدوا الخيبه والوكســــــه
ودا وقت ولازم نِصحــــه
عشان أوطنا وولدنــــــــــا،.
بعلمــــك نفســــك اشغلها
بشغلك عِيـــش وصبَّرْها
وفَهِّمـــــــــــها ونـــــــــــــوَّرها
( مفيش أغلي من الأوطــان ) ،.
وخطوه بخطوه هتعدي
وقولها بفخر أنا المصـــــــــري
ومهما المــــوج عليّا يزيد
هعدي وا عُوم عشان بلدي
هعـــدي وا عُــوم عشان بلدى 
