سحر ابوالعلا
لما احنا حبينا
و ع الود اتعاهدنا
ليه بكينا و اتفرقنا
و ليه بعدنا
ليه الفراق كان
نهاية قصتنا
ليه ما دمش
حتى فى الفراق
ليه نسيب قلوبنا
دايبة فى الأشواق
راح فين الحب
و راح فين العهد
اللي ما بينا
يوم ما قلنا
و كان الليل شاهد علينا
و النجوم يومها بكت
من لوعة قلوبنا
يوم ما قلنا هنفترق
بس حتى فى الفراق
لسة قايم عهد الود بينا
مستحيل نار الشوق تاكل قلوبنا
و افترقنا
افترقنا و نسينا ليه العهد اللي بينا
ليه بايدنا ضحينا بحياتنا
ليه كسرنا العهد و خذلنا قلوبنا
كنا فاكرين اننا نقدر
ننسى اللي فات
و ان قلوبنا قادرة تعيش
علي حبة ذكريات
الذكريات قست علينا
لوعت قلوبنا و بكت عنينا
و ادينا
رجعنا تاني و الدموع مالية عنينا.
#السلطانة